أهلين شباب صبايا
اليوم جبت لكم موضوع مصرقع
أحم احم
من تأليفي واعدادي
اتمنى يعجبكم
*_^
أذن الفجر واستيقظ الناس للصلاة ثم الذهاب لأعمالهم...وجاءت أمي تقومني للصلاة ثم للذهاب إلى المدرسه..وماكان ودي أقوم لأن الحلم كان ( يهبل) ...
قمت وأنا خدرااانه ,,وأمشي للحمام(أعزكم الله) عشان أتوضأ.....وعيوني(مزغلله) أمشي واصقع بأبواب الدواليب المفتوحه...وأطيح (بالقرمبع) المتناثر في الأرض... طاااخ طيخ...
إلىأن وصلت أخيراً لبر الأمان....
وبعد ماصليت وأفطرت ولبست...جاء دور الشعر.... هذي بكله لايقه... وهذي شباصه شوي وبتنكسر...وهذي توكه منعفطه...!!...وهذي خصله طايره...وأخيرا نسقت شعري بعد الصداع من ألوان الشباصات(المفرقعه)..
وإذا الباص قد وصل..أخذت شنطتي ولبست عباتي وطلعت.....وأختي سويّر توها ماخلصت...!!
ركبت الباص وقعدت أحتريها....والعمه توها ماطلعت!!
قاللي راعي الباص: روحي ناديها...
نزلت أناديها وأنا محترة منها وقعدت أزعق عليها: ليش تأخرتي ؟ بيروح الوقت علينا(من زود الحرص)...
وأشوفها تراكض في الغرفة...تلبس شرابها....وكنادرها تربطها....تدور على كتابها العلوم...!!
وأخيرا خلصت ومشينا...
طبعا السواق حمق علينا وبغى يمشي ويتركنا لكن الله ستر...
وفي الباص...
أتلفت يمين ويسار أدور وحده أبربر عليها...وإذا كل بنت حاطه راسها على زميلتها اللي جنبها(قاعده تشخر)
كعادتهم كل يوم..والله معاهم حق ..........كثر اللفات تدوخ الراس. ...........والوقوف المتكرر يطفش
وصلنا المدرسه...والسواق قاعد يزعق علينا: يابنات يالله انزلوا.....النوم في البيت...
يوم دخلت الفصل....قالتلي الأبله: ليش متأخره؟؟
وجاوبتها بكل ثقه: التأخير بسبب الباص
وجلست في مكاني وكملت الأبله شرحها...كانت الحصة رياضيات..........وأنا زهقت من كثر الأرقام والخرابيط
وحطيت راسي عالطاوله..(اللي ملياانه شخااابيط)............ودقيتها نومه
أمي تناديني: نويّيييير...تراني بروح شوي..........وبعد ساعه بيجون خالاتك.........أبيك تسوين لهم كيكة بس.........مع السلامه....طراااااخ (صكت الباب وراحت)
قمت أسوي كيكة بالعنب(أم حق كيكة) وقاعدة أراقب الكيكة في الفرن وأحتريها متى تخلص عشان يذوقونها خالاتي إذا جو..............ياسلام وش بيقولون؟!
بووووووووووووووووووووووووووووووووم!!!!!!!!!!!!
آخ تصرقع راسي من هالضربه (أعتقد جاني ارتجاج في المخ)
فتحت عيوني........وألقى أبلة الرياضيات.... : يابنت كان قعدتي في البيت أحسن لك.......ولآّ أجيب لك مخده؟!
قعدت ألقط وجهي الطايح..............بعد ماضحكوا علي البنات.
ترررن.............صفرت الحمدلله .............طق طق طق طق (صوت كعب الأبله وهي تطلع) .............
بعد ماطلعت المعلمة طلعوا البنات يراكضون..كأنهم نمل ........وقعدوا في الأسياب(الممرات) يتفرجون عالمناظر الخلابة..(جدران المدرسة المغبرة) .............اللي شوي وتطيح علينا
وأنا قاعدة في مكاني...........من زود الأدب ..........لا والله لأني مالي خلق أشاغب بعد ماهزأتني الأبلة
قعدت أتفرج عالبنات في الفصل.اللي تسولف مع شلتها...........واللي تزاعق..............واللي يشخمطون عالسبورة........(خلص الطباشير من كثر شخاميطهم) ..........واللي يلعبون حبشه(هذا وهم كبر حمار........يلعبون!! )
...................واللي يكبكبون مويه على بعض..........واللي يلعبون لعبة المناديل: (يبللون المناديل بمويه....بعدين يرمون المناديل على فوق.........ويلزق بالسقف........ ....لعبه حلوه صح )
ومافيه إلا وحده..........ثنتين.......قاعدين يذاكرون.......وهادين(مثلي طبعا........ )
وفجأة..........
صرااخ وتدافع من البنات..........واللي برا يدخلون بسرعة...........وحدة تطيح......... وحده تنفعص.........
وحدة تموت<<<<<<<<<<<<<عاد هذي خرافة
يمكن.............والله ماتدرون!!
المهم كل وحدة تبي تنجو بنفسها..........وكل وحدة تزعق: أبله حصاااااااااه.......أبله حصه جتتتت.....كل وحده مكانهاااااا)
وهدأ الفصل في لحظة
كأن أحد باخ عليهم فليت (بف باف)
ودخل الوحش أبو كشه ...........اللي يخوف الجميع......(السلام عليكم ياطالبات............اليوم ماراح أعطيكم درس............بأجل حصتي لبكرة........بكرة جيبوا كتبكم.........)
طراااااااااااااااااااااخ صكت الباب.........
وفجأة ................رجعوا البنات لوضعهم السابق.....وكأن شيئا لم يكن.....
::
::
النهايـــــــــــــه اهدي هذا الموضوع الى اللي يدري بحركات المدرسه ...
::
تحياتي شقاوهـ[/size]
